Tulong sa Nasalanta ng Buhawi

Bilang tulong sa mga kababayan nating nasiraan ng mga bahay sa Brgy. Caaninaplahan at Brgy. Mabuhay dahil sa malakas na buhawi, bumisita at naghandog ng ayuda at tulong pinansyal sa 18 na pamilyang apektado si Mayor Nerivi Santos-Martinez.
Kasamang nagtungo sa mga nasabing barangay sina LNB President JR Santos, Kon. Nel Rayo, at SAMAKABA Pres. Konsehal Rafael “Ape” Reyes. Nakatakdang magsagawa ng clearing operations ngayong araw sa mga lugar na naapektuhan at muling magpaabot ng karagdagang tulong sa mga pamilya.